पोलीस आमदार संजय गायकवाडांची गाडी धुतात ..! माजी आमदार हर्षवर्धन सपकाळांनी व्हिडिओच पोस्ट केला! म्हणाले, महाराष्ट्र पोलीस शर्म करो;

बुलडाणा येथील जयस्तंभ चौकात आमदार संजय गायकवाड यांचे संपर्क कार्यालय आहे. उद्धव ठाकरेंची साथ सोडून एकनाथ शिंदेंसोबत गेल्यानंतर आमदार गायकवाड यांच्यासह शिंदेच्या ४० आमदारांना व खासदारांना वाय दर्जाची सुरक्षा पुरवण्यात आली होती. ती सुरक्षा अद्यापही कायम आहे. दरम्यान आ.गायकवाड यांच्या कार्यालयाबाहेर त्यांचे वाहन धुत असल्याचा एका पोलीस कर्मचाऱ्याचा व्हिडिओ माजी आमदार हर्षवर्धन सपकाळ यांनी पोस्ट केला आहे. हा पोलीस कर्मचारी नेमका कोण हे व्हिडिओ स्पष्ट दिसत नाही मात्र आमदार गायकवाड यांच्या सुरक्षेसाठी नियुक्त केलेल्या पोलीस कर्मचाऱ्यांपैकीच तो एक असावा असा अंदाज आहे. "सद्रक्षणाय खलनिग्रहणाय हे ब्रीद असलेली महाराष्ट्र पोलीस यंत्रणा आया बहिणींच्या सुरक्षेसाठी आहे की आमदारांच्या गाड्या धुण्यासाठी ? असा सवाल हर्षवर्धन सपकाळ यांनी केला आहे. दरम्यान पोलीस कर्मचाऱ्यांच्या या वर्तनावर एसपी सुनील कडासने काय कारवाई करणार? करणार की नाही? याकडे सगळ्यांचे लक्ष लागले आहे.