स्वामी दळवी, मोनाली जाधव, विजय पळसकर, मिहीर अपार यांना क्रीडा पुरस्कार जाहीर; प्रजासत्ताक दिनी बुलडाण्यात वितरण

पुरस्काराचे स्वरुप दहा हजार रुपये, स्मृतिचिन्ह व प्रमाणपत्र असे असून, 26 जानेवारी 2022 या प्रजासत्ताक दिनाच्या समारंभाचे वेळी पोलीस कवायत मैदान, बुलडाणा येथे पालकमंत्री डॉ. राजेंद्र शिंगणे यांच्या हस्ते व जिल्हाधिकारी यांचे प्रमुख उपस्थितीत प्रदान करण्यात येणार आहे, असे जिल्हा क्रीडा अधिकारी गणेश जाधव यांनी परिपत्रकान्वये कळविले आहे.

कोण आहेत पुरस्कारार्थी...

• स्वामी दळवीने मागील पाच वर्षांत सन 2016-17 व 2018-19 या वर्षीच्या कनिष्ठ राष्ट्रीय अजिंक्यपद स्पर्धेत सुवर्ण पदक तर सन 2018-19 मध्ये दोन रजत पदक प्राप्त केले आहे.
• मोनाली जाधवने मागील पाच वर्षांत रांची (झारखंड) या ठिकाणी झालेल्या 7 वी ऑल इंडीया आर्चरी चॅम्पीयनशीपमध्ये सुवर्ण पदक तर कट्टक (ओडीसा) या ठिकाणी झालेल्या 39 वी ऑल इंडिया सिनीयर नॅशनल आर्चरी चॅम्पीयनशीप मध्ये रजत पदक प्राप्त केले.
• विजय भाऊराव पळसकर यांनी मागील 10 वर्षांत आट्यापाट्या या खेळात जिल्ह्यातील अनेक खेळाडूंना मार्गदर्शन करून पदक विजेते खेळाडू घडविलेले आहेत. ते सध्या मलकापूर तालुका क्रीडा संकुलात आपल्या खेळाचा नियमित प्रचार व प्रसार करीत आहे.
• मिहीर नितीन अपारने पोलंड येथे झालेल्या युथ वर्ल्ड आर्चरी चॅम्पियनशीपमध्ये भारतीय संघाकडून सहभाग घेऊन सुवर्ण पदक प्राप्त केले आहे.