‘हा अर्थसंकल्प जनतेसाठी नव्हे, उद्योगपतींसाठी!’ केंद्रीय अर्थसंकल्प २०२६ चा शिवसेना (उद्धव ठाकरे) कडून तीव्र निषेध; महागाई, बेरोजगारी, शेतकरी प्रश्नांवर सरकार अपयशी – जयश्री शेळके

शेतकऱ्यांसाठी केवळ घोषणांचा पाऊस पाडण्यात आला असून, कर्जमाफी, हमीभाव आणि उत्पादन खर्चावर आधारित दर यासंदर्भात कोणतीही ठोस तरतूद करण्यात आलेली नाही. त्यामुळे हा अर्थसंकल्प शेतकरीविरोधी असल्याची टीका त्यांनी केली.

रोजगारनिर्मितीबाबत केवळ पोकळ आश्वासने देण्यात आली असून, प्रत्यक्षात नोकऱ्या निर्माण करणारी कोणतीही ठोस योजना दिसून येत नाही. शिक्षण आणि आरोग्य क्षेत्राला पुरेसा निधी न देता सरकार खासगीकरणाला चालना देत असल्याने गरीब आणि मध्यमवर्गीय जनतेवर मोठे आर्थिक ओझे येणार असल्याचा इशाराही त्यांनी दिला.

हा अर्थसंकल्प म्हणजे ‘कॉर्पोरेट साथ, कॉर्पोरेट विकास’ असून, सर्वसामान्य जनता, शेतकरी, कामगार, युवक आणि महिलांच्या हिताकडे जाणीवपूर्वक दुर्लक्ष करण्यात आले आहे. त्यामुळे या जनविरोधी अर्थसंकल्पाचा शिवसेना (उद्धव बाळासाहेब ठाकरे) पक्षाच्या वतीने जाहीर निषेध करण्यात येत आहे, असेही जयश्री शेळके यांनी स्पष्ट केले.