फत्तेपूर–निळेगाव रस्त्याचे काम निकृष्ट दर्जाचे! वरचेवर डांबर टाकून काम पूर्ण केल्याचा ग्रामस्थांचा आरोप; कारवाईची मागणी...

सदर काम निकृष्ट दर्जाचे असून सरकारी निधीची उघड उघड नासाडी झाल्याचा आरोपही ग्रामस्थांकडून करण्यात आला आहे. “हे काम पूर्णपणे बोगस झाले आहे. पावसाळ्यात हा रस्ता एक दिवसही टिकणार नाही,” असेही ग्रामस्थांनी सांगितले.

निळेगावकडे जाणारा रस्ताही वरचेवर डांबर टाकूनच पूर्ण केल्याचा आरोप करण्यात आला आहे. त्यामुळे एक महिन्याच्या आत हा रस्ता पुन्हा खराब होण्याची शक्यता नाकारता येत नाही. “आमच्या गावाचा रस्ता व्यवस्थित करा,” अशी मागणी स्थानिक नागरिक करत आहेत.

फत्तेपूर आणि निळेगाव रस्त्याच्या झालेल्या निकृष्ट कामाबाबत संबंधित विभाग कोणती दखल घेतो आणि काय कारवाई करतो, याकडे दोन्ही गावांतील ग्रामस्थांचे लक्ष लागले आहे.