बुलढाणा जिल्हा पोलीस दलातील सात अधिकारी-अमलदार सेवानिवृत्त; पोलीस अधीक्षकांच्या उपस्थितीत गौरव समारंभ!
Aug 2, 2025, 14:59 IST
बुलढाणा (बुलडाणा लाइव्ह वृत्तसेवा) : बुलढाणा जिल्हा पोलीस दलातील सात पोलीस अधिकारी व कर्मचारी नियत वयोमानानुसार दिनांक ३१ जुलै २०२५ रोजी सेवानिवृत्त झाले. यानिमित्ताने पोलीस अधीक्षक कार्यालयात आयोजित करण्यात आलेल्या निरोप समारंभात सेवानिवृत्त कर्मचाऱ्यांचा कुटुंबीयांसह गौरव करण्यात आला. या समारंभात मा. पोलीस अधीक्षक निलेश तांबे (भा.पो.से.) तसेच अपर पोलीस अधीक्षक अमोल गायकवाड यांच्या हस्ते सेवानिवृत्त अधिकाऱ्यांना शाल, श्रीफळ, पुष्पहार, सेवानिवृत्त प्रमाणपत्र, मोमेंटो, झाडाचे रोपटे, भेटवस्तू व साडी देऊन सन्मानित करण्यात आले. यावेळी अधिकाऱ्यांच्या भावी आयुष्यासाठी व उत्तम आरोग्यासाठी शुभेच्छा देण्यात आल्या.
जिल्हा पाेलीस दलातील पोउपनि अनिल त्र्यंबक मिरगे , पो.स्टे. खामगाव ग्रामीण, पोउपनि चंद्रप्रकाश सुखदेव इंगळे, पो.स्टे. नांदुरा, सफौ शंकरगीर ओंकारगीर गौरी, पोलीस मुख्यालय, बुलडाणा, सफो सतिष रामकृष्ण चोपडे, शिवाजीनगर पोलीस स्टेशन, मसफौ अलका सरदारसिंग नाडे, शिवाजीनगर पोलीस स्टेशन, सफौ/HWO प्रकाश काशीनाथ पोपळघट, बिनतारी संदेश विभाग, पोहेकाँ प्रविण मधुकर पिंगळे – पोलीस मुख्यालय, बुलढाणा आदी कर्मचारी सेवानिवृत्त झाले आहेत. या कार्यक्रमाचे आयोजन पोलीस कल्याण शाखेच्या वतीने करण्यात आले होते. कार्यक्रमास प्रभारी उपविभागीय पोलीस अधिकारी अशोक काकविपुरे, पोनि. सुनिल अंबुलकर (स्थनिक गुन्हे शाखा), कार्यालय अधीक्षक श्री सांगळे, पोउपनि विजय हुडेकर, सहाय्यक पोउनि श्रीमती श्रीवास्तव, पोहेकॉ. श्रीमती ज्योती राठोड, सतिश सोनुने व अन्य कर्मचारी उपस्थित होते. संचालन पोकों. निलेश रत्नपारखी यांनी केले. निरोप समारंभास सुमारे ७० कुटुंबीय व नातेवाईकांची उपस्थिती होती.