कोलवडचे भूमिपुत्र आरटीओ विनोद जाधव यांना 'समाजऋण पुरस्कार';पुणे येथे केंद्रीय राज्यमंत्री मुरलीधर मोहोळ यांच्या हस्ते झाला सन्मान!

विनोद जाधव यांनी आरटीओ विभागात वापरल्या जाणाऱ्या वाहन ,सारथी, ई चलान, व आयरॅड या साफटवेअर सुधारणा समितीत काम केले. जनतेची कार्यालयीन कामे सोपी करण्यासाठी या सुधारणांचा ऊपयोग झाला आहे. विभागातील नाविन्यपूर्ण उपक्रमात नेहमीच सहभागी असतात.

 शिवनेरी रिक्षा संघटना व शिवनेरी प्रतिष्ठानच्या वतीने रिक्षा चालकांच्या गुणवंत पाल्यांचा सन्मान आणि समाजातील विविध क्षेत्रात काम करणाऱ्या मान्यवरांना शनिवारी 'समाजऋण पुरस्कार' देऊन सन्मानित करण्यात आले. शिष्यवृत्ती वितरण व पुरस्काराचे हे पंधरावे वर्ष होते. केंद्रीय राज्यमंत्री मुरलीधर मोहोळ, अ. भा. मराठा महासंघाचे राष्ट्रीय अध्यक्ष राजेंद्र कोंढरे, आमदार योगेश टिळेकर व अन्य  उपस्थित होते. यावेळी गुणवंत विद्यार्थ्यांचा, ज्येष्ठ रिक्षा चालक तसेच प्रवाशांशी प्रामाणिक असलेल्या रिक्षा चालकांचा देखील सन्मान करण्यात आला. कार्यक्रमाचे आयोजन संघटनेचे संस्थापक आबा बाबर व अध्यक्ष अशोक साळेकर यांनी केले होते. सूत्रसंचालन जबीन पटेल यांनी केले, तर प्रतीक साळेकर व यश बाबर यांनी आभार मानले. आपल्या स्वभाव गुणांमुळे लोकप्रिय असलेल्या आरटीओ विनोद जाधव यांना मिळालेल्या पुरस्कारामुळे मातृतीर्थ  बुलढाणा जिल्ह्यातही त्यांचे अभिनंदन केले जात आहे.