भरोसा शिवारातील इ-पिक पाहणी लोकेशन गोंधळात; भरोसा गावात लोकेशन दाखवते भोरसी;काळोनावाडी येथील शेतकऱ्यांची तांत्रिक अडचणींवर उपाययोजनेची मागणी!
“भरोसा ऐवजी लोकेशन भोरसा दाखवते”...
शेतकऱ्यांनी दिलेल्या माहितीनुसार, डिजिटल ॲपवर नोंदणी करताना ५० मीटर परिसरात उभे राहून पिकाचा फोटो घेणे आवश्यक आहे. मात्र भरोसा भाग १ व भाग २ मधील शेतकरी ॲप उघडल्यावर लोकेशन भोरसा गाव दाखवत असल्याने फोटो अपलोड होत नाही..
प्रशासनाची तत्काळ कार्यवाहीची हमी..
शेतकऱ्यांची अडचण लक्षात घेऊन उपविभागीय अधिकारी यांनी तांत्रिक दुरुस्तीसाठी कार्यवाहीचे आदेश दिले आहेत. लोकेशन योग्य (भरोसा) दिसेल, अशी अपमध्ये सुधारणा करण्याचे व संबंधित तलाठी-मंडळ अधिकाऱ्यांना प्रत्यक्ष स्थळावर जाऊन इ-पिक पाहणी करण्याचे निर्देश देण्यात येणार असल्याचे सांगण्यात आले.
न सुटल्यास तीव्र आंदोलनाचा इशारा...
सरनाईक यांनी इशारा दिला की, जर ही समस्या कायमस्वरूपी सोडवली नाही तर शेतकरी तीव्र आंदोलन उभारतील. “डिजिटल पद्धती सोपी आणि जलद असल्याचा दावा केला जात असला तरी आमच्या बाबतीत ती उलट त्रासदायक ठरत आहे,” असे स्थानिक शेतकऱ्यांचे म्हणणे आहे. यावेळी ॲड. गणेश थुट्टे, एकनाथ उसर, मधुकर उसर, संजय उसर, दिनकर उसर, भगवान शिंदे, प्रविण उसर, ज्ञानेश्वर उसर, अशोक उसर, सचिन उसर आदी शेतकरी उपस्थित होते.