कालवा आरसीसी टर्फचे काम निकृष्ट; शेतकऱ्यांचा संताप; पेनटाकळी कालव्याला तडे, टेंडर सार्वजनिक करण्याची मागणी; माजी सरपंचांचे उपोषण...

दरम्यान, हिवरा आश्रम परिसरात पेनटाकळी प्रकल्पातून निघालेल्या कालव्याचे आरसीसी टर्फचे काम सुरू असताना अत्यंत निकृष्ट दर्जाचे साहित्य वापरले जात असल्याचा आरोप स्थानिक ग्रामस्थांनी केला आहे. या गैरप्रकाराविरोधात संबंधित गावचे सरपंच यांनी संतप्त भूमिका घेत काम तात्काळ बंद पाडले असून, जोपर्यंत दर्जेदार व नियमानुसार काम होत नाही, तोपर्यंत उपोषणावर बसण्याचा निर्णय त्यांनी घेतला आहे. दुधा येथील माजी सरपंच एकनाथ जगन्नाथ सास्ते यांनी कालव्याचे काम थांबवले असून उपोषण सुरू केले आहे. या प्रकरणामुळे सिंचन विभाग व ठेकेदारांच्या कामकाजावर प्रश्नचिन्ह निर्माण झाले असून, दोषींवर कारवाई होणार का, की शेतकऱ्यांच्या तक्रारीकडे दुर्लक्ष केले जाणार, याकडे सर्वांचे लक्ष लागले आहे.