बोगस बियाणे प्रकरण तापले! शेतकऱ्यांना नुकसानभरपाई द्या; माजी आमदार संजय रायमुलकर यांची मागणी..!

यापूर्वीच बियाणे, खते आणि शेतीच्या वाढत्या खर्चामुळे अडचणीत असलेल्या शेतकऱ्यांना आता पुन्हा बियाणे खरेदी करून पेरणी करावी लागत असल्याने संताप व्यक्त होत आहे. या संपूर्ण प्रकाराची सखोल चौकशी करून दोषी बियाणे कंपन्यांची जबाबदारी निश्चित करावी, अशी मागणीही जोर धरू लागली आहे.माजी आमदार संजय रायमुलकर यांनी कृषी अधिकाऱ्यांनी तातडीने शेतकऱ्यांच्या तक्रारी स्वीकारून पंचनामे करावेत आणि संबंधित कंपन्यांकडून नुकसानभरपाई वसूल करून ती बाधित शेतकऱ्यांना द्यावी, अशी भूमिका मांडली आहे. तसेच, शेतकऱ्यांवर अन्याय झाल्यास तीव्र आंदोलन छेडण्याचा इशाराही त्यांनी दिला आहे.