BIG BREAKING लोणार तालुक्यात पुन्हा ढग फुटला! रात्रीपासून मुसळधार पाऊस; नदी नाले एक झाले; शेतांमध्ये साचले पाणी; एक जण पुराच्या पाण्यात अडकला; टिन पत्रावर बसून मदतीसाठी याचना...

 जुलै महिन्याच्या प्रारंभीच मेहकर लोणार तालुक्यात मोठ्या प्रमाणात ढगफुटी झाली होती. शेतकऱ्यांच्या पेरण्या उखडून केल्या होत्या. शेतकऱ्यांच्या डोळ्यातील आसवे थांबली नसतांनाच आज पुन्हा एकदा मोठे संकट कोसळले आहे. पहाटे ३ वाजेपासून ढग फुटल्यासारखा पाऊस कोसळत आहे. देऊळगाव कुंडपाळ, टिटवी येथील सांडवे ओव्हरफ्लो होऊन फुटले आहेत, गावागावात रस्त्यांवर पाणी घुसले आहे. लोणार शहरात देखील मोठ्या प्रमाणात पाऊस पडल्याने जनजीवन विस्कळीत झाले आहे.हीरडव, बोरखेडी,गुंधा या भागांत देखील पावसामुळे मोठे नुकसान झाले आहे. यासंदर्भात नंदूभाऊ मापारी सातत्याने प्रशासनाच्या संपर्कात आहेत. तहसीलदार, ठाणेदार, मंडळ अधिकारी यांना याबाबतची माहिती त्यांनी दिली आहे. काही वेळातच शासनाची यंत्रणा मदतीसाठी पोहोचणार आहे...