लग्नाचे डोहाळे लागले पण मध्येच हे काय घडलं...

झालं असं की, या युवतीचा मराठी मॅट्रिमनीवर निवांत चित्रे नावाच्या तरुणासोबत संपर्क झाला. तिला तो आवडला. त्‍यानेही सलगी केली. तिने ती वाढवू दिली. दोघांतील संवाद कॉलवर सुरू झाला. प्रेम वाढत जात असताना लग्नाचेही प्लॅनिंग सुरू झाले. याचदरम्‍यान त्‍याने तिला सांगितले, की परदेशातून एक पार्सल पाठवले असून, त्यात सोन्याच्या बांगड्या, सोन्याचा हार, डायमंडचे घड्याळ व एक हजार पाऊंड युके चलन ज्याची भारतीय किंमत एक कोटी रुपये आहे या वस्तू त्‍या पार्सलमध्ये आहे. कस्टम व जीएसटी शुल्क भरल्याशिवाय दिल्ली विमानतळावर पार्सल मिळणार नाही,असेही तो म्‍हणाला. हे पार्सल सोडविण्यासाठी त्‍याने ४ नोव्हेंबरपासून ते २३ नोव्हेंबरच्या काळात २ लाख ५५ हजार ५०० रुपये ऑनलाइन घेतले. नंतर त्‍याने फोन करणे बंद केले अन्‌ ती लावायला गेली तर लागतच नव्‍हता. पार्सलही आले नाही आणि तोही आला नाही. त्‍यामुळे फसवणूक झाल्याची जाणीव युवतीला झाली. तिने सायबर पोलीस ठाणे गाठून तक्रार दिली आहे. पोलिसांनी त्‍या भामट्याविरुद्ध गुन्‍हा दाखल केला आहे. पोलीस निरीक्षक लिलाधर कानडे तपास करत आहेत.