राजपूत नेत्याची गोळ्या घालून हत्या! आधी सोफ्यावर बसले, गप्पा मारल्या अन् नंतर धडाम -धुम...! सुरक्षारक्षकाने एका गुंडाला ठोकले...

                          जाहिरात 

जयपूर येथील श्याम नगर जनपथ येथे सुखदेव सिंह गोगामेडी यांचे घर आहे. दुपारी गोगामेडी त्यांच्या घरी असताना तिघांनी त्यांच्या घरात प्रवेश केला. आधी सोफ्यावर बसून त्यांनी गोगामेडी यांच्याशी चर्चा केली. १० मिनिटानंतर तिघांनी एकाएकी तीन पिस्तूल काढून गोगामेडी यांच्यावर गोळ्या झाडल्या.

   यावेळी सुखदेव सिंह गोगामेडी यांचा अंगरक्षक अजित सिंह यांनी प्रत्युत्तरात केलेल्या फायरिंग मध्ये एका हल्लेखोराचा मृत्यू झाला. अंगरक्षक अजित सिंह यांना सुद्घा गोळी लागल्याने ते गंभीर जखमी झाले आहेत.

पोलिसांनी दिलेल्या माहितीनुसार आज दुपारी दीड वाजेच्या सुमारास ही घटना घडली. गुंडांनी पळून जाताना गोगामेडी यांच्या घराजवळ एक कार अडवण्याचा प्रयत्न केला मात्र कारचालकाला पिस्तूल दिसताच त्याने तिथून कारसह सुसाट पळ काढला. त्यावेळी मागून येणाऱ्या स्कूटी चालकावर गुंडांनी फायरिंग करून त्याला जखमी करीत त्याची स्कूटी घेऊन पोबारा केला. दरम्यान ही संपूर्ण घटना सीसीटिव्ही कॅमेऱ्यात कैद झाली आहे. दुसरीकडे गँगस्टर रोहित रोदारा नावाने बनवलेल्या एक फेसबुक पेजवरून पोस्ट करून या हत्येची जबाबदारी स्वीकारण्यात आली आहे.