कंगणा राक्षसी प्रवृत्तीची, नीचपणाचा कळस गाठलाय...

भगतसिंग किंवा नेताजींना महात्‍मा गाधींनी कधीच पाठिंबा दिला नाही. काही पुरावे असेही दर्शवतात की भगतसिंग यांना फाशी व्हावी ही गांधींची इच्छा होती. त्यामुळे तुमचा हिरो योग्यपणे निवडला पाहिजे, असा सल्लाही कंगणाने दिला आहे. कंगणाच्या वक्‍तव्‍याचे समर्थन करणारेही अनेक जण पुढे आले आहे. अनेकांनी सपोर्ट कंगणा नावाने मोहीमही सुरू केली आहे. दुसरीकडे काँग्रेस आणि काँग्रेस मित्र असलेल्या पक्षांनी कंगणाविरोधात मोहीम उघडली आहे. महाराष्ट्र काँग्रेसनं कायदेशीर कारवाई करण्याचा निर्णय घेतल्याची माहिती प्रदेशाध्यक्ष नाना पटोले यांनी दिली. काँग्रेस तिच्याविरोधात मुंबई पोलिसांकडे अधिकृत तक्रार नोंदवणार असल्याचेही पटोलेंनी आज पत्रकार परिषद घेऊन सांगितलं.