State News : धक्कादायक..! काम देण्याचे आमिष दाखवून महिलेला खोलीत डांबले!; मुलादेखत दोन महिने दोघांचा आळीपाळीने बलात्कार

पोलीस सूत्रांनी दिलेल्या माहितीनुसार, एका महिलेला व तिच्या मुलाला संभाजी शिंदे याने कंपनीत काम देण्याचे आमिष दाखवले होते. २६ नोव्हेंबर २०१९ रोजी मुकुंदवाडी भागातील रेल्वे गेट नंबर ५६ येथे महिलेला बोलावून घेतले होते. तेव्हा संभाजी शिंदेने महिलेला व तिच्या मुलाला रिक्षामध्ये बसवून त्या दिवशी शेंद्रा एमआयडीसी मधील एका कंपनीत काम दिले.

संध्याकाळी काम संपल्यानंतर महिलेला व मुलाला घरी सोडतो म्हणून स्वतःच्या गाडीत बसवले. मात्र गाडी घरी न नेता क्रांती चौक परिसरातील एका खोलीजवळ नेली. त्यानंतर एका खोलीत महिलेला तर दुसऱ्या खोलीमध्ये तिच्या १४ वर्षीय मुलाला डांबून ठेवले. महिलेवर शिंदे व त्याच्या एका मित्राने दोन महिने आळीपाळीने मुलादेखत बलात्कार केला. कशीबशी मुलाने व  महिलेने शिंदे याच्या तावडीतून सुटका करून घेतली. त्यानंतर मुकुंदवाडी पोलीस ठाण्यात गुन्हा दाखल करण्यात आला. पोलिसांनी शिंदे याला अटक केली असून त्याच्या साथीदाराचा शोध सुरू आहे.