धक्कादायक! डॉक्टर नवऱ्याने केला बायकोचा खून;कारण...! देऊळगाव साकर्षा जवळील घटना

डॉ. राजेश भास्कर ठाकरे असे या आरोपी डॉक्टरचे नाव असून पातूर येथील समर्थ नगरात वैद्यकीय व्यवसायाच्या निमित्ताने राहतो. डॉक्टरची पत्नी वर्षा ठाकरे (३५) हीचा त्याने गळा आवळून खून केला. त्यानंतर अंत्यविधीसाठी बायकोचा मृतदेह घेऊन तो त्याच्या मूळगावी चोंढी येथे घेऊन गेला. मात्र गावकऱ्यांना संशय आल्याने गावकऱ्यांनी अंत्यसंस्कार करण्यास नकार दिला. त्यामुळे डॉक्टरने बायकोचा मृतदेह गाडीत टाकून पुन्हा तो पातूरकडे निघाला.

 दरम्यान चान्नी पोलिसांनी डॉक्टरची गाडी अडवून चौकशी केली असता बायको आजारी आहे, तिने आत्महत्या केली असे उडवा- उडविची व विसंगत उत्तरे दिली. त्यामुळे पोलिसांनी मृतदेह ताब्यात घेत उत्तरीय तपासणीसाठी पाठवला. तिथे गळा आवळून खून केल्याचे निष्पन्न झाल्याने पोलिसांनी खुनी डॉक्टरला अटक केली. खुनाचे नेमके कारण डॉक्टरने सांगितले नसले तरी चारित्र्याच्या संशयावरून हा खून झाल्याचे सांगण्यात येत आहे.