प्रेमासाठी आला सातासमुद्रापार... अमेरिकेचा नवरदेव अन् अमरावतीची नवरी..! गोष्ट एका अनोख्या लग्नाची!!

श्रद्धा म्हस्के ही तरुणी सामान्य कुटुंबातील मात्र तरीही गरीब परिस्थितीशी झगडत तिने उच्च शिक्षण घेतलं. आयुष्याची स्वप्ने रंगवत असताना अमेरिकेत राहणाऱ्या रोशन शहा व त्यांची पत्नी जय शहा यांच्या माध्यमातून अमेरिकेतील अँड्य्रू बिसन या तरुणाशी तिची ओळख झाली. फोनवर बोलताना त्यांनी एकमेकांची मने जिंकली. अँड्य्रू हा अमेरिकेतील पोलीस विभागात सायबर क्राईममध्ये कार्यरत आहे. त्याचे वडील सेवानिवृत्त पोलीस अधिकारी आहेत तर त्याची आई तेथील एका शाळेत शिक्षिका आहे. २ फेब्रुवारी रोजी अँड्य्रू आणि श्रद्धाचा विवाह अमरावती येथील सेलिब्रेशन हॉलमध्ये पार पडला. अमरावतीची  लेक आता अमेरिकेत सून म्हणून नांदणार आहे. त्यामुळे या आगळ्या वेगळ्या लग्नाची अमरावती जिल्ह्यात जोरदार चर्चा सुरू आहे.