संपकरी कर्मचाऱ्यांना ST देणार "धक्का'!; खासगी चालकांच्या नियुक्‍तीचे नियोजन

२४९ आगार अंशतः सुरू करण्यात आल्याची माहितीही देण्यात आली. परीक्षाकाळात विद्यार्थ्यांना त्रास होऊ नये म्‍हणून महामंडळाकडून उपाययोजना केल्या जात आहेत. जानेवारीत खासगी चालकांच्या नियुक्तीसाठी जाहिरात देण्यात आली होती. त्यानुसार नियुक्ती प्रक्रिया सुरू झाली आहे.

एसटी महामंडळाचे राज्य सरकारमध्ये विलीनीकरण करा, या कर्मचाऱ्यांनी संप पुकारला आहे. हा विषय सध्या न्यायालयात आहे. मात्र तरीही संपकरी कर्मचारी आंदोलनावर ठाम आहेत. दरम्‍यान, २७,९८०  कर्मचारी कामावर परतल्याचा दावाही महामंडळाने केला आहे, तर ६४, २९६ कर्मचारी अद्याप संपावरच आहेत.