बॉयफ्रेंडसोबत पळून जाण्यासाठी खिडकीला दोर बांधला... सहाव्या मजल्यावरून पडून १६ वर्षांची मुलगी जखमी!

त्याचे असे झाले, की वर्सोवा भागात राहणाऱ्या एका १६ वर्षाच्या मुलीचे एका तरुणावर प्रेम होते. तिच्या बॉयफ्रेंडसोबत बोलत असताना तिला घरच्यांनी पाहिले. त्यामुळे यापुढे घरातून बाहेर पडायचे नाही, अशी ताकीद तिच्या आई- वडिलांनी तिला दिली आणि घरात कोंडून टाकले. त्यामुळे तिने घरातून पळून जायचे ठरवले. तिने कपडे बॅगमध्ये भरले. घरातील साड्या एकमेकांना बांधून त्याचा दोर तयार केला. तो दोर घरातील एसीच्या एका टोकाला बांधला आणि त्या दोराच्या सहाय्याने ती सहाव्या मजल्यावरून उतरू लागली. मात्र नियंत्रण सुटल्याने ती कोसळली व गंभीर जखमी झाले. अखेर सोसायटीत राहणाऱ्या नागरिकांनी तिला रुग्णालयात उपचारासाठी दाखल केले.