क्या बात ! पिंपळगाव सराईत हिंदू मुस्लिम एकतेचे अनोखे दर्शन; फकीर शहांनी लग्नाची पत्रिका खासच छापली...

फकीरा शाह यांची लेक अर्शिया नाज हिचा निकाह कयूमशाह जुनेद यांच्याशी होत आहे. पिंपळगाव सराईतील स्वामी समर्थ मंदिराजवळ हा विवाह सोहळा ७ जानेवारी रोजी आयोजित करण्यात आला आहे. तत्पूर्वी नातेवाईकांना, स्नेहीजणांना निमंत्रण पत्रिका वाटप सुरू आहे.. हिंदू परंपरेनुसार छापण्यात आलेली निमंत्रण पत्रिका सर्वत्र लक्ष वेधत आहे. दरम्यान फकिरा शाह यांनी बुलडाणा लाइव्हला माहिती देताना सांगितले की, समाजामध्ये दिवसेंदिवस वाढत चाललेली द्वेष भावना नष्ट व्हावी, व सगळीकडे सामाजिक संदेश पोहोचावा या अनुषंगाने लग्नाची निमंत्रण पत्रिका हिंदू परंपरेनुसार छापली.