पुण्याला जायला आजोबासोबत ट्रॅव्हल्समध्ये बसली, ट्रॅव्हल्स अमडापुरात हॉटेलवर थांबली! आजोबांना म्हणे लघवीला जाते अन् पुढे जे घडलं ते धक्कादायक..

               जाहिरात👆

 पोलिस सूत्रांनी दिलेल्या माहितीनुसार अल्पवयीन मुलगी मोताळा तालुक्यातील तरोडा गावची आहे. ती शेगाव तालुक्यातील गायगाव येथे मामाच्या गावाला गेलेली होती. ४ डिसेंबरच्या रात्री साडेसात वाजता ती आजोबासोबत स्वामी ट्रॅव्हल ने कामानिमित्त पुण्यात राहणाऱ्या मामाकडे जायला निघाली. रात्री सव्वादहाला बस जेवणासाठी उदयनगर ते अमडापुर दरम्यान असलेल्या हॉटेल यश वर थांबली.

   

 यावेळी आजोबा आणि नात गाडीच्या खाली उतरले. मी लघवी करण्यासाठी जाते असे सांगून मुलगी बाजूला हॉटेल यश जवळ असलेल्या बाथरूम कडे गेली. मात्र १५ - २० मिनिटे होऊनही ती परत आली नाही. आजूबाजूला शोधाशोध करुनही ती सापडली नाही. ती कुठे गेली , कशी गेली याबाबत माहिती नसल्याचे आजोबांनी पोलिसांत दिलेल्या तक्रारीत म्हटले असून कुणीतरी अज्ञात व्यक्तीने आपल्या नातीचे किडनॅपिंग केले असावे असा संशय आजोबांना आहे..