...म्‍हणून ॲड. हरीश रावळ चढले विजेच्या खांबावर!; मलकापूर तालुक्‍यातील घटना

गेल्या आठ दिवसांपासून महिलांची पाण्यासाठी वणवण सुरू होती. जनावरांना पाणी पाजण्यासाठी दूरवर जावे लागत होते. सरपंचांनी ही माहिती ॲड. रावळ यांना दिल्यानंतर रावळ यांनी  हरणखेड गाठले. स्वतः खांबावर चढून त्यांनी पाणीपुरवठा योजनेचे वीजपुरवठा जोडून दिला. यानंतर जर पुन्हा लाईनमन कनेक्शन तोडण्यासाठी खांबावर चढला तर त्याला उतरू देणार नाही, असा इशारा ॲड. रावळ यांनी दिला. वीजपुरवठा सुरळीत झाल्यानंतर गावाला पाणीपुरवठा करण्यात आला. यावेळी गावकऱ्यांनी एकच जल्लोष केला. यावेळी सरपंच नागो राणे, ग्रामपंचायत सदस्य राजू नेवे, पंजाजी तायडे, विनोद तायडे, चेतन खाचने, अनंता करांडे, दिनकर म्हस्के, चंद्रकांत बहुरूपे, संजय सोनटक्के, बळीराम म्हस्के यांच्यासह ग्रामस्थ उपस्थित होते.