पालकांनो मुलांना सांभाळा ५ वर्षाच्या एकुलत्या एक सुरजने खेळता - खेळता जीव गमावला!;खामगाव शहरातील घटना

अभिमन्यू डाबेराव यांचा पाच वर्षीय एकुलता एक चिमुकला सुरज हा घरातील खिडकीत लावलेल्या कुलरजवळ खेळत होता. सुरजचा खेळता - खेळता घरच्या खिडकीत लावलेल्या कुलरला स्पर्श होऊन त्याला कुलरचा शॉक लागला. त्यामध्ये सुरज डाबेराव (वय वर्ष ५ रा - गोपाळनगर, खामगाव) याचा दुर्दैवी मृत्यू झाला आहे. ही घटना  ४ जुलै रोजी सकाळी ११ वाजताच्या दरम्यान घडली आहे. शॉक लागल्यानंतर गंभीर झालेल्या सुरजला ताबडतोब खामगावच्या सिल्वरसिटी हॉस्पिटलमध्ये नेले होते. मात्र तो पर्यंत सुरजने आपला जीव गमावला होता. सुरज आपल्या आई-वडिलांना एकुलता एक मुलगा होता. त्याला एक बहीण होती, त्यामुळे सुरजच्या जाण्याने गोपाळनगर भागात शोकाकुल पसरला आहे.