अहो पक्का भामटा हे त्यो! ३ वर्षाआधी सिंदखेडराजा तालुक्यातील विरपांग्रा गावातही प्रगटला होता; भोळ्या भक्तांना लुबाडले होते; मिलन चव्हाण यांनी सांगितलं "तो" किस्सा !

 त्याचे झाले असे की, ३ वर्षाआधी विरपांग्रा येथील संत तुकाराम महाराजांच्या मंदिरात एक महाराज स्थानिकांना दिसले. त्यावेळी महाराज पांढऱ्या सोवळ्यात होते.. ही वार्ता पसरताच गावातील भाविकांनी दर्शनासाठी एकच गर्दी केली होती, कुणी त्यांना संत तुकाराम महाराज तर कुणी संत गजानन महाराज संबोधत होते. त्या कथित महाराजांनी त्यांच्याजवळचे एक भांडे समोर ठेवले होते, त्यात भाविक दक्षिणा टाकत होते. कुणी ५००, कुणी १००० अश्या स्वरूपात मोठी रक्कम जमा झाली होती. यावेळी हे कथित महाराज कुणाला फोटो काढू देत नव्हते..असे मिलन चव्हाण यांनी सांगितले.

  दरम्यान या प्रकारानंतर महाराज एका भक्ताच्या घरी गेले. त्या घरात महाराज फक्त महिला भाविकांना दर्शन देत होते. पुरुषांना बाहेर व्हा म्हणत होते. आपण स्वतःही कुटुंबियांच्या आग्रहावरून महाराजांना श्रध्देने ११०० रुपये दिल्याचे चव्हाण यांनी सांगितले. त्यानंतर महाराजांनी दुसरबीडला सोडायला सांगितले, आपण आपल्या दुचाकीवरून त्यांना दुसरबीड येथे नेले, तिथे संत गजानन महाराज मंदिराजवळ असलेल्या एका घरी ते जाऊन आले, त्यानंतर दुसरबीड समोरील जंगलाच्या रस्त्याने महाराज पळून गेले,आम्ही त्यांच्या मागे जात होतो तर ते आम्हाला दगड मारत होते असे मिलन चव्हाण यांनी सांगितले..खामगाव येथे संत गजानन महाराज प्रकटल्याच्या बातमीत त्या कथित महाराजांचा फोटो झळकल्यानंतर हाच महाराज आमच्या इथेही पक्रटला होता असे चव्हाण यांनी बुलडाणा लाइव्ह शी बोलताना सांगितंले.