राजकारण ते पाऊस, पीक पाणी ! बहुप्रतिक्षित भेंडवळचे भाकीत काय ? बातमीत वाचा..

घटमांडणीनंतर आज पहाटे बहू प्रतीक्षेत भाकीत जाहीर करण्यात आले. त्यानुसार, मान्सून प्रारंभी कमी प्रमाणात पाऊस असेल, जुलै महिन्यात साधारण तर ऑगस्ट महिन्यात समाधानकारक पाऊस पडेल, मानसून अखेरीस अर्थात सप्टेंबर मध्ये मोठ्या प्रमाणात अवकाळी पाऊस पडणार आहे. खरीप पिके साधारण राहतील, रब्बी हंगामातील गहू पीक सर्वात चांगले राहील, पिकांवर रोगराईचा प्रभाव जास्त असेल पिकांची नासाडी देखील होईल असा अंदाज वर्तवण्यात आला आहे. 

राजकारणाचे भाकीत काय? 

 आचारसंहिता सुरू असल्याने यंदा कोणतीही राजकीय भविष्यवाणी करण्यात आलेली नाही. शिवाय त्याआधी कुठलीही राजकीय भविष्यवाणी केल्यास निवडणूक आयोगाकडे तक्रार करणार असा इशारा अनिस कडून देण्यात आलेला होता. राजकीय भविष्यवाणी केली नसली तरी, राजा कायम असल्याच्या अंदाजाची चर्चा सुरू आहे.

भेंडवळच्या भविष्यवाणी चे महत्व काय? 

भेंडवळ येथे सुमारे ३५० वर्षांपासून घटमांडणीची प्रथा आहे. घट मांडणी नंतर झालेल्या बदला मुळे वर्तवण्यात येणाऱ्या अंदाजावर बहुसंख्य शेतकऱ्यांचा विश्वास आहे. अंदाजानुसार सर्व बदल घडतात असे शेतकरी मानतात. त्यामुळे सुरुवातीपासूनच भेंडवळच्या भाकिताला शेतकऱ्यांचे विशेष महत्त्व आहे.