खामगावात बोरी आडगावच्या शेतकऱ्यांनी काढला ट्रॅक्टर मोर्चा! तालुक्याला दुष्काळग्रस्त जाहीर करण्याची मागणी..

मोर्चात एकूण ५० पेक्षा अधिक ट्रॅक्टर होते, त्यामध्ये बोरी आडगाव परिसरातील शेकडो शेतकरी जमले. बोरी आडगाव ते खामगाव असा ३० किमी चा प्रवास मोर्चाने केला. विशेष म्हणजे वृध्द शेतकऱ्यांनी उस्फुर्तने सहभाग दर्शविला. यावेळी खामगाव तालुका दुष्काळग्रस्त घोषित झालाच पाहिजे, अश्या घोषणांनी परिसर दणाणून गेला होता. बोरी आडगाव येथे २७ डिसेंबर पासून शेतकऱ्यांचे उपोषण सुरू आहे. त्याठिकाणी राजकिय नेत्यांनी उपस्थिती लावत आहेत. मात्र अद्याप प्रशासनाने उपोषणाची दखल न घेतल्याने शेतकरी आक्रमक झाले आहेत. या आंदोलनात आता पुढे काय काय होणार? हे देखील पाहणे महत्वाचे ठरणार आहे..