गण गण गणात बोते च्या गजरात श्री संत गजानन महाराजांच्या पालखीचे पंढरपूरकडे प्रस्थान! २७ जूनला पोहचणार पंढरीत; ५४ वर्षापासून सुरू आहे परंपरा

विदर्भातील पंढरी म्हणून परिचित असलेल्या शेगांव नगरीतून आज सकाळी ७ वाजता पैदल वारीचे आषाढी एकादशी साठी पंढरपूर कडे प्रस्थान झाले आहे. परंपरेनुसार सकाळी श्रींच्या पालखीचे पूजन करण्यात आले . पालखी २७ जून रोजी श्रीक्षेत्र पंढरपूर येथे पोहचणार आहे. ५५० किलोमीटरचा हा प्रवास महिनाभराच्या कालावधीत पूर्ण होईल. संत नगरीतील असंख्य भाविक भक्तांनी हा सोहळा याची देही डोळा अनुभवला.