Confirm! वाघोबाच!! खामगावमध्ये सर्च ऑपरेशन सुरू

दुपारपर्यंत वाघ आहे की बिबट्या याबद्दल वनविभागाकडून स्पष्टता करण्यात येत नव्हती. मात्र संध्याकाळी वाघच असल्याचे स्पष्ट होताच त्‍याची शोधमोहीम सुरू करण्यात आली. बुलडाणा येथील रेस्क्यू टीम खामगावात पोहोचली आहे. परिसरात नागरिकांनी गर्दी करू नये, असे आवाहन पोलिसांकडून करण्यात येत आहे. मढी, सुटाळपुरा, सिंधी कॉलनी, सिव्हिल लाईन, महाकाल चौक, डीपी रोड, फरशी ते लायन्स ज्ञानपीठ भागात राहणाऱ्या नागरिकांनी रात्री घराबाहेर पडू नये. मॉर्निंग वॉक करणाऱ्यांनी दक्षता घ्यावी, असे आवाहन मुख्याधिकाऱ्यांनी केले आहे. शेवटचे वृत्त रात्री सव्वा नऊला हाती आले तेव्हा वाघाची शोधमोहीम सुरू होती. अंधार, नाला व शेताचा परिसर असल्याने शोधकार्यात अडचणी येत आहेत.