नापिकीचा बळी! तरुण शेतकरी पुत्राने घेतला गळफास; खामगाव तालुक्यातील घटना

 काल, १८ एप्रिल रोजी अमोल शेतात राखण करण्यासाठी गेला होता. सकाळी नेहमीप्रमाणे तो लवकर घरी आला नाही. सकाळी त्याचे वडील शेतात गेले असता अमोलने  शेतातील वडाच्या झाडाला गळफास घेतल्याचे त्यांना दिसल्याने त्यांनी एकच हंबरडा फोडला.  घटनेची माहिती मिळताच खामगाव ग्रामीण पोलिसांनी घटनास्थळी धाव घेत पंचनामा केला. मृतदेह उत्तरीय तपासणीसाठी खामगाव येथील सामान्य रुग्णालयात पाठविण्यात आला.

अमोलच्या वडिलांच्या नावावर बँक आणि होम फायनान्सचे कर्ज होते. सततच्या नापिकीमुळे कर्जाची परतफेड होत नसल्याने तणावात येवून अमोलने आत्महत्या केल्याचे कौटुंबिक सूत्रांनी सांगितले. अमोलच्या पश्यात पत्नी ,दोन लहान मुली, आई वडील आणि दोन लहान भाऊ असा परिवार आहे. तपास खामगाव ग्रामीण पोलीस स्टेशनचे सहाय्यक पोलीस निरीक्षक आनंदा वाघमारे करीत आहेत.