तलफ... शेगावमध्ये दोन पानटपऱ्या फोडल्या!; आनंद सागरसमोरील घटना

गजानन जगन्‍नाथ वाघ (३६, रा. दसरानगर, शेगाव) यांनी या प्रकरणात तक्रार दिली. ते आनंद सागरसमोर १०-१२ वर्षांपासून जय गजानन पान सेंटर व टी स्टाॅल चालवतात. त्‍यांच्या दुकानाशेजारी योगेश गजानन हिवरे (रा. दसरानगर, शेगाव) यांचे मराठा पान सेंटर आहे. २३ एप्रिलला दुकान उघडण्यासाठी गेले असता त्‍यांना त्‍यांचे दुकान व हिवरे यांचे दुकान चोरट्यांनी फोडलेले दिसले.

त्‍यांच्या दुकानातून सिगारेटची ३ पाकिटे स्टीलच्या पाण्याच्या दोन कोठ्या, चहा बनविण्याचे भांडे, चहाची किटली, चहा घोटण्याचा एक चमचा, दोन मग असा एकूण २ हजार ६९५ रुपयांचा मुद्देमाल चोरीला गेलेल्याचे दिसून आले. मराठा पान सेंटरमधून गल्ल्यातील ७०० रुपये रोख, सिगारेटची २५ पाकिटे असा एकूण ४ हजार ७०० रुपयांचा मुद्देमाल चोरीला गेल्याचे समोर आले. तपास पोहेकाँ गजानन वाघमारे करत आहेत.