वाघोबा काय करतो पासून तर अस्वलाच्या करामती अन्‌ माकडचाळ्यांपर्यंत सर्वच होणार कॅमेऱ्यात कैद!; अंबाबरवा अभयारण्यात लावले १४८ कॅमेरे

सोनाळा वनपरिक्षेत्र १५ हजार ८३९ हेक्‍टरमध्ये विस्तारलेले असून, संरक्षित क्षेत्र असल्याने दाट झाडी आहेत. अभयारण्यात वाघ, बिबट, अस्वल, रानम्हशी, तडस, माकड, कोल्हा, खवले मांजर, रानहेल्यांसह पशू-पक्षी व दुर्मिळ वनस्पतींचा वारसा या अभयारण्याला लाभला आहे. साग, सालई, अर्जुन, बेल, मेळसिंगा, आवळा, अंजन, तेंदू, बांबू, पिंपळ, उंबर, धावडा, पळस यासह असंख्य वृक्ष आहेत. निसर्गाचे हे अद्‌भूत वनवैभव आहे, असे म्‍हटले तरी अतिशोक्‍ती ठरणार आहे. कॅमेरे लावून डेटा गोळा केला जाणार असून, याचे संचलन मेळघाट व्याघ्र संचालक व वन्यजीव विभाग अकोट येथे होत आहे. स्वयंचलित कॅमेऱ्यात चीप असून, ते झाडाच्या बुंध्याजवळ बसविण्यात आले आहेत.