भरधाव दुचाकीचा अपघात; १ ठार १ गंभीर! खामगाव - अकोला रस्त्यावरील घटना

 लोखंडा पाळा येथील गजानन वानखेडे व पुंजांजी आनंद पवार (३७) हे दोघे दुचाकीने बाळापूरकडे जात होते. दरम्यान मोठ्या हनुमान मंदिराजवळ भरधाव दुचाकीवरील नियंत्रण सुटल्याने झालेल्या अपघातात गजानन वानखेडे यांचा जागीच मृत्यू झाला तर पुंजांजी पवार गंभीर जखमी झाले. अपघात घडताच स्थानिकांनी जखमीला तातडीने खामगाव येथील सामान्य रुग्णालयात दाखल केले. अपघातामुळे खामगाव - अकोला रस्त्यावरील वाहतूक तासभर विस्कळीत झाली होती. घटनास्थळी पोलीस उशीरा पोहचल्याने संतप्त नागरिकांनी अर्धा तास रास्तारोको केला.