शिल्पा शेट्टीला दिलासा! हॉलिवूड कलाकाराने केले होते किस; अश्लीलता पसरवल्याचा होता आरोप

२००७ मध्ये एका कार्यक्रमात रिचर्ड गेरे याने शिल्पाचे उघडपणे सर्वांसमोर चुंबन घेतले होते. त्यानंतर अश्लीलता पसरविण्याचा आरोप करून दोघांविरुद्ध गुन्हा दाखल करण्यात आला होता. दरम्यान १४ वर्षांनंतर न्यायालयाने शिल्पा निर्दोष असल्याचे म्हटले आहे. शिल्पा आरोपी नाही. ते कृत्य रिचर्डचे होते. शिल्पाच्या विरोधातील आरोप निराधार असल्याचे न्यायालयाने म्हटले आहे. तक्रारीवरून शिल्पा अपराधी आहे हे सिद्ध होत नाही, असेही न्यायालयाने म्हटले आहे. मुंबईतील बैलार्ड पियर न्यायालयाने हा निकाल दिला.