तुषार कपूर म्हणतो, मला नाही वाटत माझं लग्न होईल..!

काेरोनाकाळात मुलाची काळजी घेणे खूप आव्हानात्मक होते.ऑनलाइन शाळा असल्याने त्यात माझ्या मुलाला ॲडजस्ट व्हायला वेळ लागला. मात्र त्यानंतर मजा यायला लागली. माझा अर्धा दिवस त्यात जात होता. कोरोना काळात त्याच्यासोबत घरीच रहावे लागत होते. याबद्दल मी सविस्तर पुस्तकात लिहिले आहे, असे त्याने सांगितले. सरोगसी पिता होण्याचा निर्णय घेणे सोपे नव्हते.

लोक काय म्हणतील असेही अनेकदा वाटत होते. मात्र त्याचा विचार करायचा नाही, असे मी ठरवले. प्रकाश झा यांनी माझी भेट तिरुपती येथील एका परिवाराशी करून दिली. ती एक सिंगल मदर होती. सरोगसीच्या माध्यमातून ती आई झाली होती. बायोलॉजिकल पिता व्हायचे असेल तर सरोगसी हा एक उत्तम मार्ग आहे, असे प्रकाश झा यांनी सांगितले आणि मी तो निर्णय घेतला, असे तुषार कपूर सांगतो.