शंतनूसोबतच्या नात्यावर श्रुती हसन स्पष्टच बोलली... म्हणाली, आमचे विचार जुळतात, त्याच्यासोबत वेळ घालवायला आवडते!

शंतनु माझा अतिशय जवळचा मित्र आहे. तो अतिशय प्रतिभावान कलाकार आहे. कला, संगीत, सिनेमा या सर्वच बाबतीत माझे विचार त्याच्या विचारांशी जुळतात. त्यामुळे त्याच्यासोबत वेळ घालवायला मला आवडते. त्याच्याबद्दल माझ्या मनात प्रचंड आदर आहे, असे ती म्हणाली. लग्नाचे सध्या कोणतेही नियोजन नाही, असेही ती म्हणाली. मिथुनदा सोबत काम करायला आवडते.

माझ्या वडिलांसारखेच मिथुन दा यांना सुद्धा गोष्टी सांगायला खूप आवडतात आणि त्यांनी सांगितलेल्या गोष्टी मला आवडतात, असे श्रुती म्हणाली. मिथुनदा सोबत काम करायला मिळाल्यामुळे मी स्वतःला खूप नशीबवान समजते, असेही श्रुती म्हणाली. श्रुती तिच्या वडिलांबद्दल बोलताना म्हणाली, की माझे वडील अतिशय संवेदनशील कलाकार आहे. त्यामुळेच ते त्यांची प्रतिक्रिया कठोर शब्दांत व्यक्त करत नाहीत. माझ्या चित्रपटांबद्दल त्यांना काय वाटते हे माझ्यासाठी सर्वात महत्त्वाचे असते, असेही ती म्हणाली.