हे काय लावलं पावसानं? पावसाळ्याच्या सुरुवातीलाच नुसती भूर्र भुर्र..! पावसाचा पॅटर्न खरचं बदललाय का?

साधारणः पावसाळा म्हटले की जून ते स्पटेंबर असा कालावधी आपल्यासमोर उभा राहतो. मात्र यंदा जून संपत आला तरी पावसाची पाहिजे तशी सुरुवातच झाली नाही. गेल्या दोन दिवसांपासून जिल्ह्यात ढगाळ ढगाळ वातावरण असले तरी पावसाची नुसती भुर्र भुर्र सुरू आहे. त्यामुळे पेरणी करावी की नाही याबाबत बळीराजा देखील संभ्रमात असल्याचे चित्र आहे. आंतरराष्ट्रीय दर्जाचे हवामान शास्त्रज्ञ प्रा. किरणकुमार जोहरे यांनी पावसाचा पॅटर्न बदलत असल्याचे मागच्या वर्षी सांगितले होते. पावसाळा चार महिने पुढे सरकत असल्याचे ते म्हटले होते. त्यामुळे हा तसा तर काही प्रकार नाही ना ? असाही प्रश्न उपस्थित होतोय. दरम्यान सद्यस्थितीत जिल्ह्यात काही भागात शेतकऱ्यांनी पेरणीला सुरुवात केली असली तरी बहुतांश जिल्हा अजूनही कोरडाच आहे.