जालन्यातील लाठीमार प्रकरणाचे सिंदखेडराजात पडसाद! सिंदखेडराजा तहसील कार्यालयात पेट्रोल घेऊन घुसण्याचा प्रयत्न...

सिंदखेडराजा तहसील कार्यालयात आज राडा झाला. महाराष्ट्र नवनिर्माण सेनेचे विधानसभा  प्रमुख सिद्धू गव्हाड यांनी पेट्रोल घेऊन तहसील कार्यालयात घुसण्याचा प्रयत्न केला. तहसील कार्यालयात आत्मदहन की तहसील कार्यालय पेटवून देणे यापैकी त्यांच्या डोक्यात काय होते हे त्यांनाच ठाऊक. मात्र बंदोबस्तासाठी तैनात पोलिसांनी वेळीच झडप घालून गव्हाड यांना ताब्यात घेतले. त्यांच्याविरोधात सिंदखेडराजा पोलीस ठाण्यात गुन्हा दाखल करण्याची प्रक्रिया सुरू आहे.