बुलडाण्यात यशोमती ठाकूरांची पत्रकार परिषद! म्हणाल्या, जेल मध्ये जायची वेळ आली तरी मागे हटणार नाही,देशात हिटलरशाही सुरू झाल्याचा केला आरोप

 पुढे बोलतांना यशोमती ठाकूर म्हणाल्या की,संविधानाने दिलेले बोलण्याचे स्वातंत्र्य देखील आता हिरावून घेतल्या जात आहे. राहुल गांधींनी ७ फेब्रुवारीला संसदेत अदानी घोटाळ्यासंदर्भात प्रश्न विचारले, मात्र या प्रश्नांवर चर्चा करण्याऐवजी, उत्तरे देण्याऐवजी राहुल गांधी ,मल्लिकार्जुन खरगे यांच्या भाषणाचा भागच संसदीय कामकाजातून वगळण्यात आल्याचे त्या म्हणाल्या. अदानी घोटाळ्याची चौकशी करण्यासाठी संयुक्त संसदीय समिती गठीत करण्याची आमची मागणी आहे. मात्र आमच्या मागणीमुळे मोदी घाबरले आहेत. अदानीला वाचवण्यासाठी ते सर्व शक्ती पणाला लावत असल्याचे यशोमती ठाकूर म्हणाल्या. अदानी आणि पंतप्रधानांचे नाते आहे तरी काय असा सवालही त्यांनी उपस्थित केला.  संसदेच्या सभागृहात विरोधी पक्षाच्या नेत्यांना बोलू दिल्या जात नाही, विधान सभेतही आमचे माईक बंद केले जातात..एवढं होत असेल तर सत्य कशाच्या भरोश्यावर आम्ही लोकांपर्यंत पोहचवायचे असेही त्या म्हणाल्या. देशात काँग्रेसने आता आंदोलनाची भूमिका घेतली आहे, आम्ही रस्त्यावर उतरून भाजपचे कारनामे लोकांना सांगणार आहोत..आम्ही घाबरणार नाही,आम्ही चूप बसणार नाही, आम्ही प्रश्न विचारणारच. आम्हाला जेल मध्ये जायची वेळ आली तरी मागे हटणार नाही असेही यशोमती ठाकूर म्हणाल्या.
   
तुमच्याच राज्यात हिंदू कसे खतरे मे?

   सध्या देशात भाजपचे राज्य आहे. राज्यात शिंदे फडणविसांचे सरकार आहे. तरीही ते हिंदू खतरे मे है असे नारे देतात..तुमच्याच राज्यात हिंदू खतरे मे असतील तर तुम्ही काय गोट्या खेळता का असा सवाल त्यांनी भाजपला केला.