"ये रिश्ता क्या कहलाता है"? जालिंधर बुधवतांच्या सोशल वॉल वर अजूनही खा. प्रतापराव जाधव अन् धनुष्यबाण; लोकांनी काय अर्थ घ्यायचा?

 शिवसेनेची दोन शकले झाल्यावर शिंदेंच्या नेतृत्वातील खासदार, आमदारांनी उध्दव ठाकरे, आदित्य ठाकरे यांचे फोटो आपापल्या कार्यालयातून काढून टाकले. सोशल मिडीयावरील होम पेज वरील फोटो देखील बदलवण्यात आले. मात्र आश्चर्याची बाब ही की उबाठा शिवसेनेचे जिल्हाप्रमुख जालिंधर बुधवंत यांच्या फेसबुक खात्यावरील मुखपृष्ठावर अजूनही धनुष्यबाण आणि खा.प्रतापराव जाधव यांचे फोटो झळकत असल्याने "ये रिश्ता क्या कहलता हैं" अशी चर्चा होणे स्वाभाविक आहे..

   

    लोकांनी काय अर्थ घ्यायचा?

शिवसेना एकसंध होती त्यावेळी जालिंधर बुधवंत आणि खा.प्रतापराव जाधव यांचे अतिशय जवळचे संबंध होते. शिवसेनेतील उठावानंतर देखील बुधवंत यांनी निर्णय घ्यायला बराच वेळ लावला होता. त्यावेळी अशी चर्चा होती की विजयराज शिंदेंची घरवापसी होऊ नये व आपल्याला प्रतिस्पर्धी म्हणून सोयीचा उमेदवार मिळावा म्हणून खा. जाधवांनी आपली दोन माणसे उबाठा कडे ठेवली. यात जर खरचं तथ्य असेल तर हा २० लाख मतदारांच्या भावनेशी खेळ नाही का? लोकांनी काय अर्थ घ्यायचा.....