मतदान संपले; आता चर्चेची लढत! चायटपरी ते बार, 'कोन येतं ची चर्चा बारबार...!

आता ह्यो दांगडो आटोपला हाय,पण भलतीच भानगड, झेंगाट सर्वांच्याच माग लागलंय! ते म्हणजे वरती जे सांगितलं तेच निवडणुकीच्या निकलाचं! काही मंडळी तर फोनवर(त्योच आपलं मोबाइलवर) समोर अगदी सोयऱ्यांची, ओळखी पाळखीच्या माणसांची खास करून राजकारणाचा किडा चावलेल्यांची भलीमोठी यादीच घेऊन बसतात. फोन उचलला की, रामराम नाय की तू कसा हाय हे विचारण न्हाय, डायरेक्ट कसं मुद्यांवर' कोण निवडून येतं, मेहकर की चिखलीचा दाढीबाबा, की पाना हाती घेऊन धूम करणारा रविभाऊ? मग त्यावरच चर्चा. 

चाय पे चर्चा न्याहारी, जेवण और पेग परभी..

  इलक्षणच्या भुताने झपाटलेल्या या कामात बिझी लाखो माणसांचा 4 जूनपर्यंत उठसुठ ह्योच धंदा राहणार हाय। मग त्यावर गणित मांडायचं, आपला माणूस कसा निवडून येतो हे घसा कोरडा करू करू सांगायचं. पारावर, चावडीवर शेतात अन चौकात अड्डे करून बसणाऱ्याची ह्योच विषय.