केंद्रीय मंत्री ना. प्रतापराव जाधव आता विधानसभा मोडवर! जळगांव जामोदला महायुतीच्या मेळाव्यात म्हणाले,विधानसभेत पुन्हा महायुतीला निवडून द्या, हे सर्वसामान्यांचे सरकार!

जळगाव जामोद(बुलडाणा लाइव्ह वृत्तसेवा): केंद्र आणि राज्यातील सरकार सर्वसामान्यांचे सरकार आहे. केंद्र सरकारने १० वर्षात जेवढी कामे केली तेवढी काँग्रेसला सत्तेच्या ५० वर्षात करता आली नाही. शेतकरी,शेतमजूर आणि गोरगरिबांच्या हिताच्या योजना केंद्र आणि राज्यातील महायुतीचे सरकार राबवत आहे. केंद्रात पुन्हा एकदा देशातील जनतेने कार्यतत्पर पंतप्रधान नरेंद्र मोदींवर विश्वास दाखवला आता महाराष्ट्र विधानसभेच्या निवडणुकीत पुन्हा एकदा महायुतीलाच विजयी करण्याचा संकल्प करा, बुलडाणा लोकसभेतील सहापैकी सहाही विधानसभेवर महायुतीचेच आमदार विजयी झाले पाहिजेत त्यासाठी झटून कामाला लागा असे आवाहन केंद्रीय मंत्री ना.प्रतापराव यांनी केले. काल, १५ ऑगस्ट रोजी वरवट बकाल आणि जळगाव जामोद येथे महायुतीच्या कार्यकर्त्यांचा मेळावा तसेच ना. प्रतापराव जाधव यांचा सत्कार समारंभ आयोजित करण्यात आला होता, यावेळी सरकारला उत्तर देताना ते बोलत होते.आमदार संजय कुटे, आमदार आकाश फुंडकर, शिवसेना जिल्हाप्रमुख शांताराम दाणे, भाजपचे जिल्हाध्यक्ष सचिन देशमुख, राष्ट्रवादीचे रंगराव देशमुख यांच्यासह महायुतीचे पदाधिकारी मंचावर उपस्थित होते.