खा.प्रतापराव जाधवांच्या होमग्राउंडवर उध्दव ठाकरेंची तुफान बॅटिंग! खासदारांवर हल्लाबोल,म्हणाले, मला वाटल हा बाबा बरा आहे,पण पाठीत खंजीर खुपसला!

धर्मवीर स्व.दिलीप रहाटे यांचे स्मरण करून उध्दव ठाकरेंनी भाषणाला सुरुवात केली. दिलीप रहाटेंनी लावलेल्या वृक्षाचे फळे चाखून तुम्ही पदे भोगली आता फटके खा असे उध्दव ठाकरे स्थानिक खासदार ,आमदारांना उद्देशून म्हणाले. आगामी लोकसभा निवडणुकीत ते धबधब्यासारखे पैसे वाटतील, त्यांच्याकडे संपत्ती आहेच पण माझ्याकडे जनसंपत्ती आहे असे उध्दव ठाकरे म्हणाले. 

त्यांनी शिवसेनेच्या नावावर प्रॉपर्टी वाढवली: खा.संजय राऊत

 यावेळी बोलतांना खा.संजय राऊत म्हणाले की,ज्यांना आमदारक्या, खासदारक्या मिळाल्या त्यांनी विकासाच्या नावाने बोंबा केल्या. शिवसेनेच्या नावावर स्वतःची प्रॉपर्टी वाढवली असा आरोप त्यांनी नाव न घेता खासदार ,आमदारांवर केला.

शिवसेनेशी गुंडगिरी करण्याचा प्रयत्न करू नये ,तुम्ही गुंड असाल तर आम्ही महागुंड आहोत. पण आमची गुंडगिरी विधायक कामासाठी आहे असे खा.संजय राऊत म्हणाले. या भागातील आमदार आणि खासदारांना पेन्शन लागू होणार आहे, कारण तुम्ही त्यांना घरी बसवणार आहात असेही खा.राऊत म्हणाले. ज्यांच्या नावावर ते दादागिरी करत आहात ते मोदी आणि शहा देखील सत्तेत राहणार नाही,कारण आता इंडीया आघाडीचं सरकार येणार आहे असे खा. संजय राऊत म्हणाले.

जमिनी बळकावणारे रामभक्त आहेत का?- नरेंद्र खेडेकरांचा सवाल

२६ एप्रिलला बुलडाणा जिल्ह्याच्या भाग्याचा फैसला होणार आहे. जिल्हा अविकसित ठेवण्याचे काम खासदारांनी केलं. एक हजार कोटींचे मालक खासदार झाले पण जिल्ह्याचा विकास झाला नाही. या गावात विश्व हिंदू परिषदेच्या जमिनी बळकवणारे रामभक्त आहे का? असा सवाल शिवसेना जिल्हा संपर्कप्रमुख नरेंद्र खेडेकर यांनी केला.