संविधानाचा जागर करण्यासाठी ॲड. वृषाली बोंद्रेही मैदानात! संविधान जागर यात्रेच्या ९ व्या दिवशी टाकळी, सातगाव म्हसला , बोदेगावात उस्फुर्त स्वागत!

गेल्या २७ जानेवारीपासून सुरू असलेली संविधान जागर यात्रा चिखली विधानसभा मतदारसंघातील १०२ गावांत पोहचणार आहे. यासाठी ९ दिवसांचे नियोजन आधी करण्यात आले होते, मात्र गावागावात मिरणारा उस्फुर्त प्रतिसाद, ग्राम फेरी, गावोगावच्या सभा यामुळे निर्धारित गावांसाठी ११ दिवस लागणार आहेत. ६ फेब्रुवारीला ९ व्या दिवशी यात्रा करडी, कुंबेफळ, टाकळी, सातगाव म्हसला , म्हसला खुर्द, बोदेगाव या गावांत पोहचली. सर्वच गावांत गावकऱ्यांनी यात्रेचे दणक्यात स्वागत केले. यात्रेतील संविधानाच्या पालखीवर आणि यात्रेचे नेतृत्व करणाऱ्या राहुल बोंद्रे यांच्यावर जेसीबीने पुष्पवर्षाव करण्यात आला...

  मतदारसंघात दादागिरीचे साम्राज्य...

  संविधान पायदळी तुडवण्याचा प्रकार गल्लीपासून दिल्लीपर्यंत सुरू आहे. जे दिल्लीत तेच स्थानिक पातळीवर मतदारसंघात देखील सुरू असल्याचा आरोप राहुल बोंद्रे यांनी यावेळी केला. भाजपात पक्षप्रवेश करून घेण्यासाठी दादागिरी आणि दमदाटी करण्यात येत असल्याचे राहुल बोंद्रे म्हणाले. जे भाजपात जाणार नाही त्यांच्यावर खोटे गुन्हे दाखल करण्याच्या धमक्या दिल्या जातात असा आरोपही राहुल बोंद्रे यांनी कुणाचे नाव न घेता केला.