"त्या' चार गावांचा प्रश्न निकाली निघणार; उद्याच होणार प्लॉटचे वितरण; आ. सौ. श्वेताताई महाले पाटील यांची माहिती

याआधी विधानसभेत हा प्रश्न मांडला होता. मात्र निधीअभावी हे प्रकरण कालबाह्य झाले होते. त्यामुळे जलसंपदा मंत्र्यांनी दिलेल्या आश्वासनाचा भंग झाला आहे. जलसंपदामंत्री शब्द पाळू शकले नाहीत. त्यामुळे अजूनपर्यंत या गावांच्या पुनर्वसनाचा प्रश्न प्रलंबित होता म्हणून दुर्दैवाने गावकऱ्यांना इच्छामरणाचा निर्णय घ्यावा लागला आहे, असे सौ. श्वेताताई महाले काल म्हणाल्या होत्या. यासंदर्भात आज पालकमंत्री डॉ. राजेंद्र शिंगणे यांनी बैठक बोलावली. उद्याच्या उद्या गावकऱ्यांना प्लॉटचे वितरण करण्यात येईल. येणाऱ्या अधिवेशनात या गावांच्या नागरी सुविधांसाठी आवश्यक तेवढा निधी मिळावा यासाठी आपण आणि पालकमंत्री डॉ. शिंगणे मिळून प्रयत्न करणार आहोत, असेही सौ. महाले पाटील म्हणाल्या.