"वन बुलडाणा मिशन"ची श्रीराम वंदना यात्रा ठरली डोळ्यांचे पारणे फेडणारी! हजारो रामभक्तांचा सहभाग;यात्रेने खामगाव शहर दणाणले!

मातृतीर्थ सिंदखेडराजा नगरीतून यात्रा सुरू झाली. त्यानंतर किनगावराजा, राहेरी, वीरपांग्रा, दुसरबिड, बिबी, शेंदुरजन, साखरखेर्डा, लव्हाळा फाटा, मंगरूळ नवघरे, उदयनगर मार्गे यात्रा रात्री ९ वाजता खामगाव शहरात दाखल झाली. गावोगावी महिलांनी औक्षण करून, रांगोळ्या काढून, जेसीबी ने पुष्पवृष्टी करून यात्रेचे स्वागत करण्यात येत होते. रथावर विराजमान प्रभू श्रीराम चंद्रांचे विलोभनीय रूप रामभक्त डोळ्यात साठवून घेत होते. खामगाव शहरात देखील या यात्रेचे अतिशय दिमाखात स्वागत करण्यात आले. सध्या यात्रा खामगाव शहरात असून हजारो खामगावकर रामभक्त यात्रेच्या स्वागतासाठी गर्दी करीत आहेत..रात्री उशिरा संतनगरी शेगावात या यात्रेचा समारोप होणार आहे..आजची ही श्रीराम वंदना यात्रा डोळ्यांचे पारणे फेडणारी ठरली एवढे मात्र निश्चीत....