शिवसेना (उबाठा) लोकसभा समन्वयक राहुल चव्हाण ॲक्शन मोडवर! बैठकांचा धडाका; मेहकर,लोणार तालुक्यात घेतल्या जिल्हा परिषद गट, पंचायत समिती गण निहाय बैठका; गद्दारांना धडा शिकवण्याचे आवाहन..!
१५ मार्चला लोणार तालुक्यातील सुलतानपूर, वेणी, हिरडव, पांग्रा डोळे, भुमराळा व लोणार शहरात बैठकी झाल्या. तर १६ मार्चला मेहकर तालुक्यातील जानेफळ, हिरवा, घाटबोरी, देऊळगाव साकर्शा, कळमेश्वर, देऊळगाव माळी, पिंपरी माळी, अंजनी, सायगाव, पिशवी, सोनारी या जिल्हा परिषद सर्कल व पंचायत समिती गणनिहाय बैठका संपन्न झाल्या. या बैठकांना त्या त्या ठिकाणचे बूथ प्रमुख, शाखा प्रमुख, तालुका प्रमुख , उपतालुका प्रमुख, विभाग प्रमुख उपस्थित होते..
गद्दारांना धडा शिकवा: राहुल चव्हाण.!
लोकसभा आणि विधानसभा निवडणुकीत गद्दारांना त्यांची जागा दाखवुन द्या, त्यासाठी कामाला लागा असे आवाहन यावेळी झालेल्या बैठकांत राहुल चव्हाण यांनी केले. आपण व्यक्तिनिष्ठ नव्हे तर पक्षनिष्ठ असले पाहिजे असे म्हणत पक्षप्रमुख उध्दव ठाकरे सांगतील त्या उमेदवाराच्या विजयासाठी आपल्याला प्रयत्न करायचे आहे असेही राहुल चव्हाण म्हणाले. २० मार्चला मेहकर आणि सिंदखेडखेडराजा येथे होणाऱ्या उध्दव ठाकरे यांच्या जनसंवाद मेळाव्याचे नियोजनही यावेळी करण्यात आले.