वन बुलडाणा मिशनच्या सप्तऋषी दुचाकी रॅलीत अध्यात्माचा गजर! रॅलीत ४०० हुन अधिक दुचाकीस्वारांचा सहभाग

सकाळी ९ वाजता चिखली तालुक्यातील उदयनगर येथून दुचाकी रॅलीस प्रारंभ झाला. तोरणवाडा, असोला नाईक, धोत्रा नाईक, किन्ही नाईक, वडाळी, मोहणा, पराखेड, पाथर्डी, वरवंड, गोमेधर, उटी मार्गे जानेफळ येथे रॅलीचा समारोप झाला. रॅलीत सहभागी दुचाकीस्वारांमध्ये भरभरुन उत्साह बघायला मिळाला. 

श्रावण महिन्यातील तिसऱ्या सोमवारी सप्तऋषीच्या दर्शनाला विशेष महत्व असते. यानुषंगाने वन बुलडाणा मिशनतर्फे दुचाकी रॅलीचे आयोजन करण्यात आले. रॅलीदरम्यान गावोगावी संदीप शेळके यांच्यासह सहभागी दुचाकीस्वारांचे स्वागत करण्यात आले. माता, भगिनींनी औक्षण केले. निसर्गरम्य वातावरण आणि डोंगराळ भागात सप्तऋषीचे ठिकाण आहेत. या रॅली दरम्यान सोमवारी पाच ऋषींचे दर्शन घेण्यात आले.