रविकांत तुपकरांच्या निर्धार यात्रेला जळगाव जामोद तालुक्यात मिळतोय नागरिकांचा भरभक्कम पाठिंबा; रविकांत तुपकर म्हणाले,जिल्ह्याची मागास ओळख पुसण्यासाठी परिवर्तन गरजेचे...

 खामगाव तालुक्यातील मांडका येथे प.पु.लक्ष्मणगिरी महाराजांचे दर्शन घेवून तुपकरांच्या निर्धार परिवर्तन यात्रेला २२ फेब्रुवारी पासून सुरुवात झाली. २३ व २४ रोजी ही यात्रा जळगाव जामोद तालुक्यात होती. या यात्रेला नागरिकांचा भरभक्कम पाठिंबा मिळतांना दिसला. शेतकरी, कष्टकरी, महिला, तरुण व शहरातील सर्वसामान्य नागरिकांच्या प्रश्नांना वाचा फोडण्यासाठी ही निर्धार यात्रा असून या यात्रेच्या माध्यमातून जिल्हा पिंजून काढणार आहे. या यात्रेला नागरिकांचा मिळणारा जोरदार पाठिंबा हा नागरिकांचा आपल्यावरील विश्वास आहे. बुलढाणा जिल्ह्याची राज्यपातळीवर मागास व आत्महत्याग्रस्त जिल्हा म्हणून ओळख आहे. ही ओळख आपल्याला पुसायची आहे. जिल्ह्यातील नागरिकांच्या मनात परिवर्तनाची आग आहे. येणाऱ्या लोकसभेत तुम्ही फक्त मला साथ द्या, जिल्ह्याला विकासाचे मॉडेल करून दाखवू, असा निर्धार रविकांत तुपकरांनी बोलतांना व्यक्त केला.

        यावेळी युवा आंदोलक अक्षय पाटील-भालतडक, श्याम अवथळे, अनंता मानकर, नितीन पाचपोर, दिपक पाटील-अढाव, समाधान धुरडे, समाधान दामधर, वैभव वानखेडे, अश्फाक देशमुख, वैभव जाने, सुनील अस्वार, अस्लम शेख, आकाश आटोळे, प्रशांत पारस्कार, शिवदास खिरोडकार, ईश्वर अंबलकार, अनिलसिंग राजपूत, सोपान पाटील यांच्यासह मान्यवर उपस्थित होते.