मुख्यमंत्र्यांच्या बंगल्यात शेतकरी आत्महत्येचे प्रात्यक्षिक करण्यासाठी मुंबईत गेलेल्या रविकांत तुपकरांनाअटक! थोड्याच वेळात न्यायालयात हजर करणार...
मुंबई ( लाइव्ह ग्रुप नेटवर्क): शेतकरी नेते रविकांत तुपकर यांना मुंबई पोलिसांनी अटक केली आहे. दोन दिवसांपूर्वी नागपुरात पत्रकार परिषद घेऊन शेतकऱ्यांच्या विविध मागण्यांसाठी मुख्यमंत्र्यांच्या बंगल्यामध्ये शेतकरी आत्महत्येचे प्रात्यक्षिक करणार असल्याची घोषणा रविकांत तुपकर यांनी केली होती. तेव्हापासून पोलीस तुपकर यांच्या शोधात होते. मात्र पोलिसांना चकमा देऊन रविकांत मुंबईत दाखल झाले होते. ठरल्याप्रमाणे आज, २३ ऑगस्टला रविकांत तुपकर आंदोलन करणार होते. मात्र त्याआधीच मुंबई पोलिसांनी रविकांत तुपकर यांना अटक केली आहे. थोड्याच वेळात तुपकर यांना न्यायालयात दाखल करण्यात येणार आहे, त्यामुळे रविकांत तुपकर यांना न्यायालयात जामीन मिळतो की नाही याकडे आता सर्वांचे लक्ष लागले आहे. दरम्यान जिल्ह्यासह राज्यातील काही शेतकरी देखील मुंबईत दाखल झाले होते त्यांनी गिरगाव चौपाटी परिसरात आत्महत्येचे प्रात्यक्षिक करण्याचे आंदोलन करण्याचा प्रयत्न केला, त्या शेतकऱ्यांना देखील पोलिसांनी ताब्यात घेतले आहे.