सोशल मीडियावर रविकांत तुपकरच नंबर वन! जे भल्याभल्यांना जमल नाही,ते तुपकरांनी करून दाखवलं! फेसबुकवर गाठला २ लाख फॉलोवर्सचा टप्पा

बुलडाणा(बुलडाणा लाइव्ह वृत्तसेवा): हल्लीचा जमाना हा सोशल मीडियाचा आहे. सोशल मीडिया हे प्रचार प्रसाराचे अतिशय प्रभावी माध्यम आहे. पंतप्रधान नरेंद्र मोदींपासून तर देश विदेशातील अनेक मोठे नेते या प्रभावी माध्यमाचा वापर करण्यात यशस्वी ठरले आहेत. २०१४ च्या लोकसभा निवडणुकीपासून तर सोशल मीडियावर प्रचार करण्याचा जोरदार ट्रेण्ड वाढला. दरम्यान बुलडाणा जिल्ह्यातील अनेक नेते सोशल मीडियाच्या प्रेमात आहेत खरे..मात्र याचा प्रभावी अन् नेमका वापर जमलाय तो रविकांत तुपकर यांना. सोशल मीडियावरील फेसबुक या प्लॅटफॉर्मवर २ लाखांपेक्षा जास्त फॉलोवर्स असणारे रविकांत तुपकर जिल्ह्यातील केवळ दुसरे नेते ठरले आहेत. काँग्रेसच्या जयश्री शेळके यांचेही २ लाखांपेक्षा जास्त फॉलोवर्स आहेत खरे मात्र लाईक आणि कमेंटचा पाऊस त्यांच्या पोस्टवर पडत नसल्याने ते "पेड फॉलोवर्स" असल्याची चर्चा आहे. विशेष म्हणजे जिल्ह्यातील ७ आमदार आणि १ खासदार अशा ८ लोकप्रतिनिधींना देखील हे जमले नाही. आमदार श्वेताताई महाले वगळता सर्वच लोकप्रतिनिधींचे फॉलोवर्स १ लाखापेक्षा कमी आहेत, आमदार श्वेताताई महाले यांचे फेसबुकवर १ लाख ६५ हजार इतके फॉलोवर्स आहेत.