संत नगरी शेगावात रविकांत तुपकर गरजले! म्हणाले, शेतकऱ्यांना न्याय मिळाल्याशिवाय हा पठ्ठ्या शांत बसणार नाही;

सोयाबीन कापूस उत्पादक शेतकऱ्यांच्या मागण्यांसाठी रविकांत तुपकर यांच्या नेतृत्वातील एल्गार रथयात्रेला आजपासून सुरुवात झाली. जिल्हाभरातून हजारो शेतकरी यासाठी शेगावात दाखल झाले होते. प्रारंभी रविकांत तुपकर श्री संत गजानन महाराजांच्या समाधीचे दर्शन घेतले. त्यानंतर छत्रपती शिवाजी महाराज चौकात रविकांत तुपकर यांनी शेतकऱ्यांना संबोधित केले. एल्गार रथयात्रेची भूमिका त्यांनी विशद केली. राज्यात सगळीकडे दुष्काळाची स्थिती असताना केवळ ४० तालुक्यांत दुष्काळ जाहीर केला,हा शेतकऱ्यांवर अन्याय आहे. सरकारने राज्यासह बुलडाणा जिल्ह्यात सरसकट दुष्काळ जाहीर केला पाहिजे असे तुपकर म्हणाले. अदानी अंबानीच कर्ज जस माफ करता तस शेतकऱ्यांच का करीत नाही असा सवाल त्यांनी यावेळी उपस्थित केला . माझा कुणीही गॉडफादर नाही, शेतकरी मायबापच माझे गॉडफादर आहे. माझ्या मायबापाच्या हक्कासाठी सरकारच्या छाताडावर नाचल्याशिवाय राहणार नाही असे तुपकर यावेळी म्हणाले..